Olles ned woahr
(Text und Musik©Johannes Zeiler)

Mia haum kane Probleme, uns geht’s ollen guat.

Von dem wos in da Zeitung steht, do glaub ma jedes Wuat.

Politiker san ehrliche Leit, und de werdn imma mehr

Nochrichten san objektiv und woahr ….. I schwör

Es is olles ned woahr, es is a Riesen-Schmäh,

Olles nua - Lug und Betrug, weu de Woahrheit tuat weh.

Es is olles ned woahr, olles nur vü bla bla,

maunche sogn, es stimmt sogoar, doch es is olles ned woahr.

Du sogst I bin dei große Liebe, mia bleibn fia imma zsaumm.

I bin dei Ritter aufm weissen Pferd, Du wüllst kann aundern haum.

Unsre Liebe wird ewig hoitn, mia san a perfektes Poar,

olle Leit beneiden uns und glauben, des is woahr.

Es is olles ned woahr, es is a Riesen-Schmäh,

Olles nua - Lug und Betrug, weu de Woahrheit tuat weh.

Es is olles ned woahr, olles nur vü bla bla,

maunche sogn, es stimmt sogoar, doch es is olles ned woahr.

Es gibt ka Korruption mehr, kann Kaumpf um Mocht und Göld.

Es vahungern kane Kinder mehr, weu nua de Liebe zöhlt.

Es gibt kann Kriag auf dera Wölt, nua Frieden rundherum,

mia rotten kane Viecha mehr aus, und unsa Umwölt, de is gsund.

Es is olles ned woahr, es is a Riesen-Schmäh,

Olles nua - Lug und Betrug, weu de Woahrheit tuat weh.

Es is olles ned woahr, olles nur vü bla bla,

maunche sogn, es stimmt sogoar, doch es is olles ned woahr.

Es is olles ned woahr, es is a Riesen-Schmäh,

Olles nua - Lug und Betrug, weu de Woahrheit tuat weh.

Es is olles ned woahr, olles nur vü bla bla,

maunche sogn, es stimmt sogoar, doch es is olles ned woahr.