DEI ZUG IS OH’GFOAHRN, OIDA
(Text und Musik©Johannes Zeiler)

Jedn Tog an Botzn Rausch im G’sicht, - jedn Tog de söbe Gschicht.

Hamkumma waß-Gott-waunn in da Nocht - und vielleicht no an Wickl g’mocht.

So weit hots kumman miassn, jetzt kaunnst daham de Wänd aunschrein

Und waunns’d di in Spiagl schaust, nau wos foit da denn daunn ein

Dei Zug is oh’gfoahrn, Oida - Du host de Übafuhr vasamt!

Gib da ka Mühe mehr, Du host die letzte Chance vatramt.

Dei Zug is oh’gfoahrn, Oida - Du host de Übafuhr vasamt!

Gib da blos ka Mühe mehr, Du host die letzte Chance vatramt.

Des muass si ändern, host da g’sogt, - wirklich woahr I muass wos tuan.

Fia deine Hawara host imma Zeit, nua fia dei Frau host taube Oahrn.

Nur Du bist und bleibst a Egoist, der seine Vorsätz schnöll vagisst.

Und wos’d jetzt host davon is, dass’d allanig bist

Dei Zug is oh’gfoahrn, Oida - Du host de Übafuhr vasamt!

Gib da ka Mühe mehr, Du host die letzte Chance vatramt.

Dei Zug is oh’gfoahrn, Oida - Du host de Übafuhr vasamt!

Gib da blos ka Mühe mehr, Du host die letzte Chance vatramt.

Es nutzt da goa nix, waunns’d denkst: „Aunders hätt I‘s mochn solln“

Jetzt muasst da scho söba hölfn - und fia deine Föhla zohl’n.

Glaubst leicht im Ernst, dass sie no länga zuag’schaut hätt,

sie hot zwoa nie a Wurt valuan,     oba jetzt is z’spät.

Dei Zug is oh’gfoahrn, Oida - Du host de Übafuhr vasamt!

Gib da ka Mühe mehr, Du host die letzte Chance vatramt.

Dei Zug is oh’gfoahrn, Oida - Du host de Übafuhr vasamt!

Gib da blos ka Mühe mehr, Du host die letzte Chance vatramt.

Dei Zug is oh’gfoahrn, Oida - Du host de Übafuhr vasamt!

Gib da ka Mühe mehr, Du host die letzte Chance vatramt.

Dei Zug is oh’gfoahrn, Oida - Du host de Übafuhr vasamt!

Gib da blos ka Mühe mehr, Du host die letzte Chance vatramt.